A Talk given by Pakistani Cricketer Mushtaq Ahmed

--

Transcribed from the talk given by Pakistani cricketer Mushtaq Ahmed ( Talk was given at Redhills, Hyderabad, INDIA )

Shukr hai Allah ka, key usney hamein eik bahut bada inaam diya hai, jo duniya ka sabsey bada inaam hai, woh bhi binmaangey Allah ney hamein ata kiya hain, who kya hai – La ilaha ilallah.

Main agley din hamarey saathi hai NaeemBaig saab unkey saath jaraha tha, toh mainey poocha ye log kyun kartey hain aisa? – woh becharey eik kaam karrain they jo exist nai karta tha insaaniyat key aur deen key uper. Toh mainey kaha ye log kyun karrahey hain, unhuney kaha key – Shukr ada karo key tum nahi karrain, ager tum bhi unjaisey hotey, tumhari sonch bhi un jaisey hoti toh tum bhi waisey hi karrain hotey. Ye toh tum pey Allah ka fazal hain, Allah ka karam hain, key Allahpaak ney tumhey raasta dikhaya, ye Allah ka inaam hain, ismein hamarey bas mein koi baat nai hain.

Main team mein tha, main kehraha hu na, merey paas success tha, shohrat thi, izzat thi, daulat bhi milgayi, saara kuch milgaya, phir ekdum inn sab ka chin jaaney ka darr.
- Toh ye saathi jo hazraat hamarey paas aaye, inhuney aakey bataya key kya faida uss sehat ka jiskey peechey insaan ku beemari ka darr lagjaye,
- Kya faida aisi success ka jiskey peechey nakaami ka darr lagjaye,
Pehley toh baat nai suntey they, phir ahista ahista baat sunney laggaya. Toh ye Allah ka bada ehsaan huwa.

Jab eik doctor sabzi ki dukaan lagaleyga, toh woh kya uskey profession sey justify hoga. Eik doctor ka kaam tha beemaro ko theek karna, eik musalmaan ka kaam tha logo ku kidharleyjana? – Allah key bando ku Allah key taraf bulana. Saarey insaano ko dozakh ki aag sey bachaakar jannat key taraf lekey aana. Hamarey saamney koi billi jalaadey hum woh nai dekhsaktey, toh hum apney aapko aur apney gharwalo ko kaisey jaatey huwe dekhsaktey hain jahannum ki aag mein.

Deen key maamley mein hum apney andazey lagaletey hain. Main aapko apni baat batata hu, main samajta tha key namaaz nai padta per Huququl-Ibaad toh puurey karta hu, Huquuq toh insaano key poorey karta hu. Jo apney Maalik ko nai pehchaansakta woh apney maalik key huquuq kaisey poorey karsakta hain. Aap zara khud apney ander ye baat poochker dekhley key jo banda apney Maalik key ehsaano ko bhuul sakta hain, woh uski makhluuq sey kaisa accha suluuk karsakta hain, ye hamara eik bahana hain, eik excuse hain.

Eik musaafir ka kaam kya hain – safar karna. Aur jab musaafir makeen banjaata hain, toh sabsey zyaada takleef usey hoti hain.

Jab insaan marjaata hain toh laash ghar mein rakhi hoti hain. Toh uskey ander toh saara kuch wahi hain, sirf eik ruuh nahi hain, jo Allah ka amar hain. Allah woh nikaal'letey hain toh woh insaan sey mayyat kehlaney lagti hain. Uskey ander kya thi – Ruuh. Woh ruuh nikli toh insaan kya hogaya – dead body, mayyat. Ab mujhey batayye jo cheez nikli hain uski bhi toh koi khuraaq hogi, uski bhi koi cheez ki requirement hain, uski toh hamein pata hi nai hain. Uski requirement hai Allah ka hukum aur Nabi key tareeqa, ye na hospitals mein milti hain, na bazaaro mein milti hain, na gharo mein milti hain, ye toh yaqeen maniye Allah key hukum aur Allah key Rasul ki zindagi ko apnaney sey milti hain.

Allah toh sona rab hain jo kehta hain key tum apney musalmano bhaiyo key ayeb chupao main tumharey ayeb chupaunga. Aaj key toh hum musalmaan ki shaan ko aisa uthatey hain, aisi izzat ko uchaltey hain. Allah key Nabi(saws) apney munafiqeen key naam chupaliye, sirf eik Sahabi ko Hazrath Huzaifa (rz) ko bataye, key ye ye munafiqeen hai, insey bachkey rehna. Baakhi kisi ko nai bataya. Akhlaaq dekhey hamarey Nabi key, jo jaani dushman ho unkey naam nai batatey, hum toh jinmein koi khaami nai bhi hoti hain, unpey tohmat lagadetey hain key usmein ye khaami hain.

Jab hum jaisey musaafir Hyderabad sey delhi key taraf jayingey hum, aur raasta nai poochingey toh hamara endup hoga kidhar- Chandigarh. Toh jaakey Chandigarh mein poochingey woh Delhi ka restaurant kidhar hain. Toh woh kahingey aap toh chandigarh mein hain, - "ohooo phir toh bahut der hojayegi".

Musaafir ka kaam hain-na poochna, jisku nai pata woh poocheyga toh raasta miltey jaayega. Hum poochtey bhi nai hain. Dekho hum duniya mein kaisey khogaye, har baat pey discussion karsaktey hain.

Hamari saari taakhatey jitni bhi hain – I’lm ko dikhaney key liye hain, koi amal pey yaqeen hi nahi hain, na amal pey hamarey iraadey hain. Saara kidhar zor laga huwa hain, aaj har bandey key paas information hain, mager amal nahi hain.

Aiseyhi hain jaisey eik banda America jaata hain – unpad (illiterate) aur eik banda yahanpey, educated aadmi jo likhkey, kitaab likhkey America key baarey mein imagination karta hain key dekho ye kitaab likhi hain America key baarey mein, aur ye likhi hain. Eik unpad, merey jaisa aadmi America chaleyjaata hain, aur jaakey waha saara kuch dekhkey aata hain, dono ikhattey eik majlis mein bait’tey hain, toh dono America mein baat kartey hain, aap khud batayye kiski baat mein wazan hoga? – jo America ko hokey aayega, jo practically waha gaya hoga. Ye baat toh hamein yahi samajmein aajati hain, key amal sey zindagi banti hain, na key sirf I’lm haasil karney sey.

Allah key Nabi(saws) aakhri khutbey mein kya kehrahey hain key kya deen puura hogaya?- Sahabah(rz) kehney lagey – aye Nabi(saws) aapney haq ada kardiya. Toh aap(saws) ney farmaya phir jao, jidhar jidhar tumharey rukh hain uss taraf nikaljao aur merey deen ko jaakey pehlao. Ab who Sahaba they jo kaha kaha tak pahunchgaye, spain mein , kaha kahan tak pahunchgaye, kya unkey paas jihaaz they tab, kya unkey biwi bacchey nai they, saara kuch tha mager unku kamyaabi ka pata chalgaya tha. Aisey pata chalgaya tha key jab unka dil chahta tha key hum Allah sey baatein karey toh who namaaz padney lagjaatey they, Jab unka dil chahta tha key Allah unsey baatein karey toh woh kehtey they key hum Quraan padney lagjaatey they.

Aap(saws) ney kaha tha – khushkhabri sunado usko jo merey deen key liye benaam hojayingey, gumnaam hojayingey “. Aaj wahi toh daur hain.

• --
  Hum ye jo bhi nikaltey hain jitney bhi saathiyo key saath, main jab nikalney laga toh merey wife ney-" kaha key ye teen din kidhar jaarahey ho bhai?" Mainey kaha key Allah key raastey mein deen sikhney jaaraha hu, toh kehney lagi - "ye kaha pey likha hain?" Mainey kaha likha toh kai nai, Allah key Rasul(saws) ney kaha tha merey deen key liye niklo, mera deen phailau, toh main ye sikhunga bhi khud jaakey. Waapis aaya teen din key baad, thodi si mujhey jo buzurg hazraat ney bataya tha key wife key saath matters kaisey karney hain, maa ka kya haq hain, baap ka kya haq hain, aulaad ka kya haq hain, woh phir unkey saath jab suluuk aisa kiya toh yaqeen maniye ahista ahista aaj Allah key fazal sey main khushi key saath kehsakta hu key Allah paak ney deeni mahol paida kardiya, ghar pey dish bhi nai hain, itniii happy zindagi, jitna bhi time hota hain unkey saath guzarta hu.

--

Allah key fazal sey aaj kya hai hamari situation aur pehley kya thi – bacchey baithey hain, fikar kis cheez ki, kal ki. Bacchey baithey hain - baaba baaba, jo itni pyaari ne’mat hain woh hamarey paas baithey hain, mera dhyaan kai aur hain, business mein hain, cricket mein hain, karobaar mein hain , unko toh enjoy nahi karrain.

Aisehi na dukaandaar kahey ya Allah sabsey zyaada bikri meri ho, namaaz nai padni. Dukaan kholkey baitha hain. Allah ney bhi graahak dena shuru kardiya – "ley abb, graahak ley tu". Aisey graahak diye, dopahar ki roti saamney padi hain, saalan saamney garam garam pada hain, Allah graahak pey graahak diye jaarahey hain, jis rizq key liye toh itna kuch karraha hain, wohi terey naseeb mein nahi hain. Kya faida aisey paisey ka, aisa rizq ka jismein sukuun hi na ho, jisko enjoy na karsakey aadmi.

Isliye merey dosto, choti si zindagi hain, badi jaldi jaldi chaleyjayegi, aaney ki toh tarteeb hain, jaaney ki tarteeb bhi koi nahi, key beta pehley nai jayega, baap pehley jayega, pata nahi kab Allah key paas sey bulawa aajaye.

Isliye iraadey karey sab bhai, key niklingey Allah key raastey mein aur deen sikhingey bhi aur deen ko phailayingey bhi.