Couplets depicting the love of Allah Ta'ala

Transliteration : Allah Allah kaisa pyaara naam haii
Aashiqo ka meena aur jaam hai

Explanation: Oh Allah what a beloved name is Yours. Oh Allah never deprive me of repeating your name. A person is deprived because of sin. It is not that a person does not find time or is so busy to make Zikr, etc. In reality Allah keeps him away because of his sin. Allah's name is not so cheap that a person goes on breaking Allah's laws, never repents and is still allowed to take Allah's name and enjoy it ! Firstly, on account of sinning, and after due respect given, a person is first deprived of the enjoyment and pleasure of Zikr, then other nawaafil and then he is deprived of even other ibaadat which then goes over to sunnats, wajibaat and then faraaidh. After if a person still carries on sinning and does not make taubah, his imaan also stands in danger. Oh Allah, save us from sins, Ameen. And give us the taufieq of making zikr.

What my friend said-

Just remembered another friend's words . While we were in train on our return journey from a place my friend said - " Ml.UmerPalanpuri ka khaul hai -" Ummat quran sey duur hojayegi ager unkey haath mein quran dediya jaye aur Ulama sey duur kardiya jaye ".

Words by my friend

Today i heard a good thing by one of my friends - he is an aged and experienced person in the field of Dawat. He said - there are a number of things getting invented on daily basis due to rise in technology . But these new things are into being only because of Allah as it is only Allah who has given man the capability to think , use his brain and invent things. So my friend said - if we treat this techno gadgets and etc invented things as one of our Allah's kamaal they will be used well and will benefit us , or else they will trouble us in one way or other , for example a system getting infected with virus or a new cell phone but had to get repaired every now and then.

Masaalik key Ikhtilafaat aur khaum ka kaam - ( Aalim Saab , Friday Bayaan , 23 Nov 07 )

Allahpaak ney iss ummat ko tamaam ummato ka namuna banaya hai . Iss ummat mein baaz cheezo mein furu'ee ehkaam mein ikhtilaaf hai lekin uss ekhtilaaf key bawajood ye nahi kaha jasakta key ismein sey eik musalmaan hai aur duusra musalmaan nahi , eik ka deen Islam aur duusrey ka deen Islam nahi - aisa nahi kaha jasakta.

Aur ye ikhtilaaf kahan per hai? - woh cheezein jo Quran aur Hadith mein mansoos hai .Mansoos arabbi ka lafz hai , maney Quran aur hadith mein koi baat likhi huwi hai aur woh bhi saaf tareen hai , mansoos hai , sareeh hai , aur uskey ander koi ta'aruf aur takraav nahi hai . Toh aisey ehkaam mein toh koi ikhtilaaf nai paida hota. Sabkey nazdeek eik hi hukum hai , eik hi amal hai , uskey ander kisi khisam ka ikhtilaaf nahi.

Baaz ehkaam woh hai jismein Quran aur Hadith mein koi saaf mazmuun maujuud nahi hai. Uskey mutaliq Ulama khiyaas kartey hai aur woh ehkaam batatey hai.Baad mein koi cheezein eejaad hogayi , un cheezo key ehkaam batatey hai . Nasha paida karney wali cheez haraam hai , baadmein aur cheezein nasha paida karney wali logon key saamney aajaye aur log uska istemaal shuru karey , Ulama uska hukum bayaan karingey key ye bhi waiseyhi haraam hai jaisa sharaab haraam hai.

Aap (saws) koi baat irshaad farmaye usko kehtey hai hadith , aap koi kaam karey usko kehtey hai hadith , aur aapkey saamney kuch kaam ho aur aap khamooshi ikhtiyaar farmaye - woh bhi hadith hai.

Log yu samajtey hai ikhtilaaf sey nukhsaan hai , ikhtilaaf sey koi nuksaan nahi hai . Ager ikhtilaaf hudood mein ho , ikhtilaaf key aadaab key saath ho , akhlaaq durust ho aadmi key toh ikhtilaaf sey koi sharr aur koi nukhsaan nahi hai. Nukhsaan jo hota hai akhlaaq ki wajeh sey hota hai , hudood sey tajawuz ki wajeh sey hota hai .

Sahaba ikraam mein ikhtilaaf eik hi cheez mein nahi , bahut si cheezo mein tha. Aur sahaba ikraam bahut sey cheezo key ikhtilaaf key bawajud eik dusrey key peechey namaaz bhi padtey they , eik dusrey ka adab aur ikraam bhi kartey they , unkey sulook mein apas mein koi kami paida nai hoti thi in cheezo ki wajeh sey. Lekin hum jahalat aur nadani ki wajeh sey baaz waqt un cheezo mein jo kam darjey ki hai unko badadetey hai.

Albatta ye jo ekhtilaaf hai ye Ulama mein hai , khaum ka kaam kya hai. Khaum ka kaam ye hai key jis Aalim key ilm per , taqwa per bharosa ho , unsey poochkey amal karley . Aur aisa karney sey unper koi gunah nahi. Hadith mein hai , aap(saws) ney farmaya - ager koi aadmi kisi Aalim sey fatawa aur masla poochey aur woh ghalat masla bataye toh aap ney farmaya uska gunah usper jisna masla bataya. Ager har aadmi iska mukallaf hota key tehkheeq karey toh aap (saws) sirf usi ko gunahgaar na batatey , aap ye batatey key bataney wala bhi gunahgaar huwa aur poochney wala bhi gunahgaar huwa . Lekin aap ney ye irshaad farmakar batadiya key furu'ee masail mein har shaks ka ye kaam nahi key khud tehkheeq karey , ager khud tehkheeq karna hota toh aap ye batatey key fatawa deney wala bhi gunehgaar hai aur amal karneywala bhi gunehgaar hai. Mager aap ney ye farmaya key - nai , fatawa bataney wala gunahgaar , amal karneywala nahi. Lekin shart ye hai key woh poochneywala uss aadmi sey poochey jiskey ilm ho , taqwa ho , ye nahi key har kisi sey poochey.

Ye jo masaalik ka ikhtilaaf hai baaz cheezo mein , baaz log ye kehtey hai eik shaks Musalmaan hai , Mohammedi hai aur phir Hanafi kyun , shafayi kyun , maliki kyun , hanbali kyun . Toh woh yu kehtey hai key aap Mohammedi hai ya hanafi hai . Toh hum aapsey ye poochtey hai key aap hindustani hai ya hyderabadi hai , kya jawaab dingey aap iss sawaal ka. Kya hindustani aur hyderabadi mein takraav hai , eik shaks dono mein kya sirf eik hi hosakta hai , ya hindustani bhi aur hyderbadi bhi hosakta hai. Jaisey eik shaks hindustani aur hyderabadi dono hosakta hai , aiseyhi eik shaks wusuul mein toh Janab-e-Rasulullah (saws) ka puura pairu hai , aur furoor mein bhi aap hi ki shariat ki pairwi karta hai lekin un furoor mein jin mein ulama ka ikhtilaaf hogaya woh uss aalim ki pairvi karta hai jiskey ilm aur taqwa per usko a'etmaad ho.

Merey dosto , ekhtilaaf hudood mein rehna chahiye , Ulama mein toh hai mashallah lekin ab awaam mein eik aisa tabqa jiskey paas ilm aur salahiyat ki kami hai , woh in cheezo ko baaz waqt itna hudood sey badarahey hai , tajawuz karkey pesh karta hai key aadmi key zehen mein goya is tarah ka khayaal paida hojata hai key ismein sirf eik haqq hosakta hai , dusra sirey sey baatil hai , lehaza baatil key liye koshish karna chahiye .

Iskey natijey mein woh baazu , aur taaqat jo deen ki khidmat mein sarf hona chahiye , woh aapas key baaham dasto girebaan honey mein sarf hojati hai aur deen ki jo wusuli aur bunyadi baatein hai woh peechey rehjaati hai aur jo dusrey darjey ki cheezein hai woh ladayiyo ka maidaan banjaati hai .

Allah ta'ala hamein deen ka sahi ilm , sahi fahem aur usper amal ki taufeeq naseeb farmaye , hamarey akhlaaq ko durust farmaye , islam ki zindagi aur imaan per khatma naseeb farmaye.

Mufti Husammuddin Saab ( 18 Nov 07 , Markaz )

Hazrath Abu Talha (rz) rawi hai , farmatey hai key Rasulullah (saws) ney irshaad farmaya - " Jo shaks Lailaha ilallah ka iqraar karey woh jannat mein daakhil hoga ya Jannat uskey liye wajib hojayegi aur Jo shaks Subhanallahi wabihamdihi 100 (sau) martaba kahey toh Allah paak uskey liye eik lakh chaubees hazaar nekiya likhtey hai " . Sahaba (raziyallahu taa'la anhum ajmayeen) ko tajub huwa , kehney lagey -" Tab toh ham mein sey koi shaks bhi halaak nai hoga - nekiyo ki kasrat ki wajeh ab koi shaks bhi halaak nai hoga". Huzur-e-paak (saws) ney irshaad farmaya - " Kyun nahi? , tum mein sey eik shaks itni nekiya lekar aayega key ager un nekiyo ko kisi pahaad per rakhdiya jaye toh wazan ki wajeh sey pahaad dabjaye , phir Allah paak ki nematein saamney laye jayengi toh Allah paak ki nemato key muqabley saari nekiya khatam hojayegi , phir Allah paak apni rehmat sey jiski chahey madat farmayingey aur halaakat sey bachayingey ".

Insaan kya cheez hai? - Insaan kayi nemato ka majmua hai. Insaan Allah ki kai nemato ka majmua hai - Sar eik nemat hai , dimaagh eik nemat hai , aankhein eik nemat hai , kaan eik nemat hai , zubaan eik nemat hai , chehra eik nemat hai , haath aur pair eik nemat hai , aur jitni cheezein insaan key jism mein bani huwi hai saari key saari nematein hai , aur jis zameen pey hai woh bhi nemat hai , jis aasmaan key neechey hai woh bhi nemat hai , jo kharaha hai woh bhi nemat hai , jo peeraha hai woh bhi nemat hai , zorrat sey faarigh hora hai woh bhi nemat hai , jo pehen raha hai woh bhi nemat hai . Toh insaan nemato ka majmua hai aur nemato key samundar mein duubraha hai. Masnoon duaon mein apna inkaar hai , Allah ki zaat ka iqraar hai . Khadam khadam pey masnoon duaon key zariye sey Allah key zaat key taraf mutawajjeh karaya jaraha hai key insaan Allah ka mohtaaj hai. Kin cheezo mein ? , har cheez mein Allah ka mohtaaj hai . Sirf insaan nahi balkey saari kayinaat Allah ki mohtaaj hai.

Tumharey paas jo kuch hai woh Allah key taraf sey hai , woh Allah key nematein hai.

Insaano ki fitrat ku Allah paak ney bayaan kiya key jab insaan ko koi takleef pahunchti hai toh roney lagta hai , Allah sey maangta hai . Jab Allahpaak takleef ko duur kartey hai toh kuch log Allah key saath dusron ko shareek kartey hai.
Pehley wali aayaton mein hai - key insaan jab samundar mein chalta hai , kashti bhawar mein phasti hai aur aisa lagta hai key halaakat khareeb aayi hai toh saaro ko bhuul jaata hai aur eik Allah key zaat ka iqraar karta hai . Phir jab Allahpaak najaat detey hai toh Allah ko bhooljaata hai. Toh Allah paak eik jagah irshaad farmarahey hai - tum ye samajhrahey ho key samundar mein humney tumko bachaliya aur tum khushki pey aagaye toh ye samajrahey ho key bachgaye. Khushki mein dhasasaktey hai , zameen ko phaadsaktey hai. Samundar mein dubosaktey hai toh khushki per zameen key ander dhasa saktey hai. Allah paak ko khudrat haasil hai.Allah paak ney rehmat ka maamla kiya , ager har cheez pey pakad farmaye toh Allahpaak saarey logo ku halaak karsaktey hai .

Imaanwaley Allah ko chahtey hai - apni jaan sey zyaada , apney maal sey zyaada , apni biwi aur bachho sey zyaada , apni mehboob cheezo sey zyaada , aur garma key waqt mein thandey paani sey zyaada Allah ko chahtey hai.

Huzurepaak (saws) ku eik Sahabi(rz) ki dua bhot pasand aayi , uss dua sey bhot khushi huwi aur apni unghati ata farmayi. Dua ye thi -
"-Aye woh zaat jisko aankhein nai dekhsakti ,
-jisko khayalaat nai paa saktey ( ager sonchney ki koshish karey toh gumraah hojayingey , ager aadmi Allah key baarey mein sonchna shuru kardey toh gumrah hojayega isliye key Allah ki zaat badi hai aur hum chotey hai , glass ka pani chammach mein nai aasakta , kyun nahi aasakta? - isliye key chammach chota hai . Toh hum chotey , hamari sonch choti , hamara dimaagh chota toh badey Allah ko sonch nai saktey) ,
- tareef bayaan karney waley unki tareef bayaan kar hi nai saktey ,
- badi kamalaat waley ( sarey kamalaat wahi sey phuuttey hai (Quran-e-kareem key ander Allahpaak ka irshaad hai key saat samandar aur uskey barabar aur samandar , samandaro ko laya jaye aur unki siyayi(ink) banayi jaye , na sirf samander balki saarey dariya , saari nadiya , saarey nehar , saarey kuwwe , saarey chashmein , aur jahan kahi bhi paani rakha huwa hai , saarey paani ki sihayi banayi jaye aur saarey darakhto ko kaatker unkey khalam banadiye jaye , phir in khalmo sey aur iss siyayi sey Allah ki badayi ko , buzurgi ko , rehmato ko likhna shuru kiya jaye , likhtey likhtey khalam ghisjayingey , siyayi khatam hojayegi mager Allahpaak ki badayi baakhi rehjayegi) ,
- hawaadis sey unki zaat ko koi tabdeeli nahi aati ,
-zamaney key gardishey unko dara nahi saktey ( isliye key gardisho ko wohi laatey hai ) ,
- aur pahado ka kya wajan hai , kitna wajan hai usko Allah paak jaantey hai ,
-samundaro mein kitna paani hai usko jaantey hai , abtak jitni baarish huwi aur Qiyamat tak jitni hogi , kitney qatrey girey aur kitney giringey Allahpaak key ilm key ander maujuud hai ,
-puuri duniya mein jitney darakht hai unper kitney pattey hai Allah paak jaantey hai ,
- suuraj apni roshni kitni cheezo pey daalta hai , woh kitni cheezein hai Allah paak jaantey hai ---aur raat apni tareekhi kitni cheezo per daalti hai Allahpaak jaantey hai ,
-eik aasmaan duusrey aasmaan ko Allah ki nigah sey chupa nai sakta ,
-eik zameen dusri zameen ko Allah ki nigah sey chupa nai sakti ,
-samundar ki teh mein kya hai Allah paak usko jaantey hai ,
- ye unhuney dua ki , Allah ki tareef bayaan ki aur ye dua ki - key aye Allah zindagi ka aakhri din sabsey behtar din ho , aur zindagi ka aakhri amal sabsey behtar amal ho , aur jis din maut ho uss din ka jo amal ho woh behtareen amal ho , aur husney khatimey ki daulat sey aap malamaal farmaye ."

Husne Khatima :
Husne Khatima bhot badi daulat hai , hadith mein aata hai key - " Eik aadmi neik amaal karta hai , toh neik amaal kartey kartey apney aapko accha na samjhey , ghuroor na karey , takabbur na karey , isliye key aadmi jannat key khareeb hojata hai , eik baalish ka faasla baakhi rehta hai , aisa koi amal karta hai jiski wajeh sey dozakh mein girjaata hai .
Aur kisi sharaabi ko , zani ko bura na samjhey isliye key aadmi zindagi bher gunah karta hai , zina karta hai , sharaab peeta hai , aur dozakh key bilkul khareeb pahunchjaata hai , eik haath ka faasla baakhi rehta hai , aisa koi amal karta hai key Allahpaak ko woh amal bahut pasand aata hai aur Allahpaak Jannat key ander daakhiley ka faisla farmatey hai. "

Ulama ney likha hai Husne Khatima key liye chand cheezein zaroori hai

1. Allah ney jo nemat ata ki hai , usper Allah ka shukr ada karey

2. Dua aadmi karta rahey - aye Allah aapney hi mujhey hidayat ata ki hai , aisa na ho key mera dil shirk aur kufr ki taraf mayil hojaye , merey dil key ander tedapan aajaye, meri hifazat farma.

3. Azan ki baad ki jo dua hai uska ehtemam kiya jaye - Huzur-e-paak (saws) ka irshaad hai - key jo shaks iss dua ka ehtemaam karta hai meri shifa'at uskey liye halaal hojaati hai , waajib hojati hai , laazim hojati hai "

4. Dua karey - Aye woh zaat jo zinda hai aur saari duniya ko thaami huwi hai , aapki rehmat ka waasta dekar hum madat chahtey hai , hamarey saarey kaamo ko theek kardijiye ( hamara her kaam ghalat hai , hamara koi kaam theek nai hai ) , eik lamhey key liye bhi aap hamein apni nafso key hawaley na kijiye , hum apni nafso key hawaley hojayingye toh gunah hojayega jaisa key gaadi chalaney wala ager eik minute key liye bhi aankh band karleyga takkar hogayegi toh waisehi Allahpaak chand lamho key liye apney nafs key hawaley kardingey gunah hojayega , sarkashi hojayegi , baghawat hojayegi , Allah ki nafarmani hojayegi.

5.Neik , deendaar , aur Allahwalo key sohbat mein apney aapku bithaye

6.Miswaak ka ehtemaam kiya jaye , sabunchi fazeelat miswaak ki ye hai key martey waqt kalma naseeb hoga

7. Ye cheez bahut ahem hai , isliye bahut mushkil bhi hai , ussey bachna Allah key madat key baghair , Allah key taufeeq key baghair nai hosakta , ussey wahi shaks bachsakta hai jispery Allah ki khaas rehmat ho , Allah ka khaas fazal ho , woh bahut khatarnaak cheez hai , usmein kisi khisam ka kharcha nai hai , aur na kisi khisam ka charcha , woh hai - Nigaho ki hifazat.


Eik buzurg ney likha do cheezein bahut ehem hai , jo shaks do cheezein per amal karey woh puurey deen pery chalsakta hai -
1. Pehli cheez hai nigaho ki hifazat , jo nigaho ki hifazat kareyga woh Allah key jitney huqooq hai un saarey huqooq ko ada karsakta hai . Isliye ada karsakta hai key woh apni nigah makhlooq per nai daalraha hai , makhlooq ka ta'asur uskey dil sey khatam ho chuka hai aur makhlooq ka ta'asur khatam hochuka , khaliq ka ta'asur aaya , Allah per fida horaha hai , Allah per apney aapko qurbaan kar raha hai , toh ab ye nai kahajasakta key ye Allah key huqooq ki haqtalfi kareyga
2. Aur duusri cheez hai - jo shaks apney aapko gheebat sey bachayega woh bando key huqooq ko ada karsakta hai . Gheebat sey apney aapko bachaney wala logo ko izzat deraha hai , izzat aur ehmiat key wajeh sey gheebat nai karraha hai , key sab acchey hai main bura hu . Jab saamney waley ko accha kehraha hai toh uskey huqooq ko bhi ada kareyga .

Namaz:
Jab Allah sey dosti hojaati hai toh Allah sey baat karney ko jee chahta hai jisko namaaz kehtey hai - Namaaz kya cheez hai ? - Allah sey guftagu hai , Allah sey baatcheet hai , Namaaz padney wala apney rab sey chupkey chupkey baatein karta hai . Toh baat har eik sey nai hoti , baat toh dost sey hoti hai. Aadmi jab dost sey baat karta hai , toh susti, laparwahi , ghaflat sey baat nai karta , badi tawajjo sey , badey shauq aur zauq sey , badi mohabbat sey baat karta hai.
Namaaz ku seekhna padta hai , uski mashq karni padti hai , uski mehnat hai jaisey har cheez ki mehnat hai.
Dhyaan ku jamaney ki mehnat ho key main Allah key saamney hu , main subah sey dukaan mein tha , karobar mein tha , kaam mein tha, dosto mein tha , biwi mein tha , baccho mein tha , ab eik das minute key liye , saath aat minute key liye aaya hu Allah sey baatcheet karney key liye , abbhi main Allah ku yaad na karu , abbhi Allah mujhey yaad nai aaye toh phir kaha yaad aayingey . Allah ku yaad karney key liye aaye aur Allah ko bhooljaye. Apney nafs ku samjhaye key" salaam pherney key baad jitna sonchna hai sonchley duniya key barey mein , duniya key programme bana , iski ijaazat hai , salaam pherney tak Allah ku yaad rakh , Allah key dhyaan sey pad toh" inshallah Allah ka dhyaan baakhi raheyga.


Ilm:
Hamarey mehboob kis cheez sey raazi hotey hai , aur kiss cheez sey naraaz hotey hai . Isi ka naam Ilm hai . Allah ku toh bahut chahtey hai mager ilm ka nawaqifiyat ki wajeh sey , ghaflat aur jahiliyat ki wajeh sey aadmi aisa kaam kareyga jissey Allah naraaz hotey hai . Ilm ka hona zaroori hai. Fazail wala ilm - insaan jab faidey ko dekhta hai toh uskey taraf nipatta hai aur nuksaan ku dekhta hai toh ussey bachney ki koshish karta hai.

* Jo salaam kiya jaata hai , iski bahut badi fazeelat hai - "Assalamualaikum wa rehmatullahi wabarakatuhu " . Ye unchi dua hai , iska matlab ye hai key aap mujhsey mamoon hai , mehfooz hai , aap mujhsey mutmayin rahey , main aapka dushman nai hu , main aapka dost hu , isiliye aapko dua deraha hu , kya dua deraha hu - aapku teen dua deraha hu - Assalamualaikum - tumper salamati ho - kya matlab , duniya aur aakhirat ki saari museebato sey tum najaat palo , warehmatullahi - Allah ki rehmat bhi aap per ho , Allah ki rehmat key baghair kuch nai hoga , wabarakatahi - barkatey ho , eik barkat nahi , kaii barkatey ho . Teen duaein hai , toh issper tees nekiya milti hai.

Fazail bhot ahem hai , hamarey buzurgo ki mansha ye hai key har amal sey pehley uss amal ki jitni fazeelatein hai woh hamein maloom hojaye , yaqeen hojaye , wudhu sey pehley wudhu ki fazeelat , rozey sey pehley rozey ki fazeelat .

Allahpaak apney bando ko kitna chahtey hai key unkey bando ki koi khairiyat poochta hai , toh uskey liye 70,000 farishtey taye kartey hai , key uskey liye maghfirat ki dua kartey rahey.

Kisi buzrug sey poocha gaya key sabsey zyaada zikar karneywaley hum kab bansaktey hai , kab ye kaha jayega key main Allah ku bahut yaad karneywala hu ? Unhuney kaha , badi ahem baat kahi -" Huzur(saws) sey jitni duaein , aur jitney azkaar manqool hai subah aur shaam key , unkey azkaar mein jo shaks pabandi karta hai woh Allah ko khoob yaad karneywala hai . Masnoon jo duaein hai uski badi ehmiyat hai ".

Teesra kalma - Subhanallah - Allah paak hai , jab Allah paak hai toh main kya hu , main napaak hu . Alhamdulillah - Saaaari taarefey Allah key liye hai , jab saari tareefey Allah key liye hai toh baakhi kya rahi , kounsi tareef baakhi rahi , Lailaha ilallah - Allah key siwa koi mabuud nai , kisi ka kuch nai chalta , Allah key baghair kuch nai hosakta , sab mohtaaj hai Allah key , jab aadmi sojata hai aur uski saari salahiyatey khatam hojaati hai woh apna satar dhaankney mein bhi Allah ka mohtaaj hai , Allahuakbar - Allah sabsey badey hai , Walahaula walaquwwata illabillahilaliyyila'zeem - koi aadmi gunaho sey bachnai sakta jabtak Allah na chahey , nekiyo pey lagnai sakta jabtak Allah na lagaye .

Mohabbat-e-Rasool(saws) ko paida karney key liye duroodeshareef hai , seerat ka mutaliya hai , sunnato pey chalna hai . Aur sabsi badi sunnat Daawat ka kaam hai .

Eik Sahabi hai Huzur(saws) ki khidmat mein ye kehtey huwe - " Haye merey gunah , haye merey gunah " key main ab halaak hogaya , bachney ki koi soorat aur shakl nai hai . Toh huzurepaak (alayhissalatuwassalam) ney eik dua unhey sikhayi , kaha ye kahey - " Aye Allah aapki maghfirat merey gunaho sey zyaada wasee hai , mujhey apney amal per ummeed nahi hai , aapkey fazal aur rehmat per ummeed hai ". Unhuney iss dua ko pada , kaha phir pada , phir padey , kaha phir pado , teen dafa woh sahabi iss dua ko padha . Huzurepaak (alayhissalatuwassalam) ney farmaya - "khadeyhojao Allah ney tumhari bakshish kardi ".Allahpaak hamarey gunaho ko nai dekhtey , hamarey tauba ko dekhtey hai , hamari talab ko dekhtey hai , hamarey gidgidaney ko dekhtey hai . Allah toh kehtey hai - tumharey gunaho sey zameen bharjaye , aur zameen aur aasmaan key darmiyan ka khala bharjaye aur tum merey taraf mutawajjeh hojao toh main maaf karunga , ye nahi dekhunga key mainey kitney gunahoko maaf kiya hai ."

Qiyamat key din sabsey zyaada shifa'at karneywali koi cheez hogi toh woh Allah ka kalaam hoga , na koi nabi , na koi farishta .

Jab aadmi koi neki ka iraada karta hai toh Shaitaan ye nai kehta key mat karo - karo mager baad mein karo .

Dua ka taufeeq ka milna , koi aasaan baat nai hai , koi mamooli baat nai hai , wahi maang sakta hai jisko maangey ki Allahpaak taufeeq dey . Kisisey maangtey hai hum duniya mein , badi minnato key baad , kuch dedingey , duusri baar jayingey phir dedingey , teesri baar ager hum dikhgaye th raasta badal kar chaleyjayingey key phir kuch mangega . Aur Allahpaak naraaz hotey hai key maangta kyun nai , nahimangey na ka matlab ye hai key ye mohtaaj nai hai , zaroorat mand maangta hai , aur ye apney aap ko samajraha key zorrat nai hai , toh Allahpaak naraaz hojatey hai. Naraaz honey ka matlab yehi hai key aadmi apney aap ko mustaghni samajraha hai . Wahi detey hai , ya mehfooz kartey , ya musibato ko duur kartey hai. Wahi detey hai ager uskey muwafiq ho , ya mehfooz kartey hai , ya muzibato ko duur kartey hai. Aadmi qiyamat key din dekheyga ye merey duaon ka zakheera hai toh tamanna kareyga key kaash meri eik duwa bhi khubool nai hoti.

Saarey aasmaan waley aur sarey zameenwaley kisi momin key qatal mein shareek hojaye toh Allahpaak sabko , saarey aasmaan walo ko aur saarey zameenwalo ko dozakh mein daaldingey .

Allah key kalimey ko buland karney ki koshish:
Quran mein hai - Uski baat sey behtar kiski baat hosakti hai jo Allah key bando ko Allah key taraf bulaye " . Toh tum behtar aur tum jo baat kahogey woh bhi sabsey behtar. Aur iss mehnat sey jo mileyga woh bhi sabsey behtar , saari kayinat musaqqar hojayegi aur kya chahiye , zameen tumhari , aasmaan tumhara , chand tumhara , sooraj tumharey , tarey tumharey , hawa tumhari , samundar tumhara , jungle tumharey , jaanwar tumharey . Sahaba ney samundar per ghodo ko daalker qiyamat tak aaneywaley insaano ko ye baat batadi key Allah key deen ko buland karney key liye jo koshish karta hai Allah uski madat kartey hai . Allah ki madat sirf anbiya (as) key saath nai thi , woh madatey jo nabiyo key saath huwi thi , sahabey key saath bhi Allah ney un madato ka maamla kiya aur hamarey saath bhi karingey aur qiyamat tak aaney waley insaano key saath bhi karingey jo Allah key kalmey ko buland karney ki koshish karingey . Ager nai karogey pakad bhi badi hai , azaab bhi bada hai , iss kaam ko nai karogey toh phir zaalim baadshaho ko musallat kardiyajayega , dua radd kardiya jayega , aapas mein nafrato ko paida kardiya jayega .

Iss kaam ko karingey toh inshallah deen hamari zindagi mein aayega aur Allahpaak kamyaab karingey . Allah ka kanoon aur zaapta hai key jis kisi key zindagi mein deen hoga usko kamyaab karingey aur jis kisi key zindagi mein deen nai hoga chahey woh nabi ka beta ho , nabi ki biwi ho usko halaak karingey . Allah ka kisi sey koi rishta nai hai , kanoon hai , wusool hai , zaapta hai.

Marney ki tayyari karna hai . Train aagayi aur ticket na ho toh aadmi train mein nai baitheyga , isliye key usey pata hai key main baithjaunga toh phas jaunga , mujhey jail jana padeyga . Toh humney marney ki tayyari nai ki , marney ki tayyari karni hai .
Hazrth Ayesha (rz) farmati hai Huzurepaak ( saws ) ney irshaad farmaya - " Jo aadmi Allah sey milna chahta hai Allah bhi ussey milna chahta hai aur jo aadmi Allah sey bachna chahta hai , Allah sey milna pasand nai karta , Allah bhi ussey mulaqat ko napasand kartey hai " . Toh aadmi Allah sey kab milney ko pasand kareyga , jab dosti ho , mohabbat ho , taluq ho . Isi taluq aur mohabbat ku paida karney key liye Allah key raastey mein nikalney key liye kaha jaraha hai.