Zul Hajjah key dino ki fazeelat aur Qurbani key mutaliq - Aalim Saab(DB) , 14 Dec 07

Ye jo din chalrahey hai , ye Zul-Hajjah key din hai aur Zul-Hajjah key dino ki haditho mein fazeelat aayi hai. Hadith sharif mein hai aap(saws) ney irshaad farmaya - " Inn 10 dino mein , ye jo Zul-Hajjah key 10 din hai , Allah key nazdeek Amal-e-Saleh sabsey zyaada mehboob hai " . Sahaba-ikram (rz) ney dariyaaft kiya - " Aye Allah key Rasul kya jihaad fee sabeelillah sey bhi zyaada Amal-e-Saleh inn dino mein mehboob hai? " , toh aap ney farmaya - " mager ye key koi shaks apney jaan aur maal key saath nikla ho aur kuch lekar nahi lauto ho , yani sab Rahey-Khuda mein qurbaan kardiya ho , uska maamla dusra hai , baakhi aam halaat mein jihad sey bhi badker fazeelat inn dino mein Amal-e-Saleh ki hai."

Amal-e-Saleh yani neik amal , yani i'badaat ka ehtemaam karna. Quran-e-majeed mein Surah-Fajr mein 10 raato ki qasam khayi hai - woh kaunsi 10 ratey hai? Mufassireen key mukhtalif khaul hai , eik khaul ye bhi hai key woh 10 raatey Zul-Hajjah key 10 raatey hai. Toh goya ye 10 raatey aur 10 din fazeelat waley hai. Isi wajeh sey inn dino mein rozo ki bhi badi fazeelat hai , Zul-Hajjah key inn 9 din rozey rakhney ka sawaab bhi zyaada hai. Phir ismein jo 9 tareekh hai - Arafat ka din , uski bhi khaas fazeelat hai . Hadith shareef mein hai key aap(saws) ney farmaya - "Arafat ka roza mujhey Allah sey ummeed hai key gurishta aur ayinda saal key gunaho ko maaf kardeta hai". Aur gunaho sey muraad sagheera gunah hai , kabeera gunah baghair tauba key maaf nai hotey. Jis khader hosakey nafil rozo ka ehtemaam karley , 9 tareekh bhi aur ussey pehley bhi jitna hosakey roza nafil rehsakta hai.

Hadith shareef mein hai - " Jo shaks qurbaani deney ka iraada rakhta ho aur Zul-Hajjah ka chaand dekhley toh woh apney baal aur nakhuun na tarashwaye ", ye hukum mustahab key darjey ka hai. Yani iss per amal karna ba-isey ajr aur sawaab hai , lekin ager kisi sey khilaafwarzi hogayi ho nawaqifiyat ki wajeh sey ya kisi wajeh sey toh uss per koi gunah nahi hai lekin amal ka ehtemaam karna chahiye.

Eik hukum aur bhi key 9 tareekh ki fajar sey 13 tareekh ki asar tak Takbeer-e-tashreeq padi jaye har namaaz key baad. Eik martaba namaaz key baad buland awaaz padey - "Allahu akbar Allahu akbar , Lailaha illallahu wallahuakbar , Allahu akbar walillahilhamd ". Zor sey padney ka hukum hai , tallafuz bhi sahi seekhlena chahiye. Aurton key liye bhi Takbeer-e-tashreeq hai , isliye aurton ko bhi baat pahunchana chahiye.

Toh gharz ye Zul-Hajjah key chand khaas amal aur ehkaam hai , aur inn dino ki fazeelat hai. Aur inn dino mein Amal-e-Saleh ki, e'badat ki badi fazeelat haditho mein bayaan ki gayi hai. Lehaza nawaafil ka , tilawat ka , zikr ka , neik amal ka zyada sey zyada ehtemaam karna chahiye. Jaisey aur raato mein jaagker e'badat karney ka ehtemaam hota hai , inn raato mein bhi e'baadat ka ehtemaam , iski targheeb haditho mein aayi hai.

Phir dusri baat hadith sey maloom hoti hai, woh duusri baat ye hai key jab Allah key Rasul(saws) ney farmaya - " Inn 10 dino mein , ye jo Zul-Hajjah key 10 din hai , Allah key nazdeek Amal-e-Saleh sabsey zyaada mehboob hai " . Sahaba-ikram (rz) ney dariyaaft kiya - " Aye Allah key Rasul kya jihaad fee sabeelillah sey bhi zyaada Amal-e-Saleh inn dino mein mehboob hai ?". Toh huzur ney farmaya -" haan jihad fee sabeelillah sey bhi mehboob hai ". Toh sawaal ye hai key - kya jihaad fee sabeelillah amal-e-saleh nahi hai ? . Jihaad fee sabeelillah bhi toh Amal-e-Saleh hai , neik amal hai , badey unchey a'maal mein sey hai , Allah key Rasul ney farmaya key - "Meri ye khaahish aur tamanna hai key main Allah key raastey mein qatl kiya jau , phir zinda kiya jau , phir qatl kiya jau , phir zinda kiya jau " . Toh jihaad toh aisa uncha amal hai. Phir sahaba ka sawaal bhi ajeeb hai , aur huzur ka jawaab bhi ajeeb hai.


Phir aapkey iss irshaad ka kya matlab hai , merey dosto iska ye matlab hai - key jo Amal-e-Saleh hai woh do khismo key hai:

• Eik woh e'badat hai jismein makhlooq sey koi sabeqa , koi rabta insaan ka nai hota balkey insaan makhlooq sey katker , eiksu hoker Allah taala key taraf mutawajjeh hota hai , kuch amaal woh hai.
  


• Kuch amal woh hai jinkey ander insaan Allah ki e'badat karta hai , neik amal karta hai , Allah ku raazi aur khush karney ka kaam karta hai , mager woh kaam aisa hota key uss kaam mein makhlooq sey sabeqa hota hai , makhlooq sey rabta hota hai , masalan eik aadmi deen ka i'lm padhaney mein mashghool hai, deen ka i'lm padhana bhi eik fazeelat hai lekin deen ka i'lm padhara hai toh ustaad shaagird key taraf mutawajjeh hai , shaagirf ustaad key taraf mutawajjeh hai , eik aadmi logo ko Allah key taraf bulaata hai , daawat ka , islaah ka kaam anjaam deta hai , woh bhi apney madu'ueen key taraf mutawajjeh hai , madu'ueen uski taraf mutawajjeh hai , isi tareeqey jihad karta hai aadmi toh jihaad mein sepahi apney saamney waley dushman key taraf mutawajjeh hai , kuch amal toh aisey hai.

Lekin kuch amal woh hai jinmein insaan insaano sey koi jod nai hota , insaano sey katjaata hai , jaisey namaaz mein mashghool hogaya , toh namaaz mein Allah key taraf mutawajjeh hai , makhlooq sey usko koi sabeqa nai , zikr mein mashghool hai eiksu hoker , tilawat mein mashghool hai eiksu hoker , raat ko uthker namaaz padta hai toh uska Allah taala ka raast raabta hai jismein makhlooq sey koi sabeqa aur koi waasta nai . Ye do khisam key amal hai.

Toh yaha pey muraad Amal-e-Saleh sey woh amal hai jismein makhlooq sey waasta aur sabeqa nai padta . Aur wahi darasal maqsood hai. Isiliye Allah key Rasul(saws) ko bhi hukum tha key - " aap jab din bher ki daawat ki mehnat sey faarigh hojaye toh khadey hojayye aur apney rabb ki taraf mutawajjeh hojayye ". Ager ab wohi deen ki mehnat hi maqsood hoti toh ussey faraghat ka koi sawaal hi nai tha kyunki maqsad sey aadmi kabhi faarigh nai hosakta aur Allah taala ye farmarahey hai - jab aap ussey faarigh hojaye toh khadey hojayye aur apney rabb ki taraf tawajjeh ikhtiyaar farmalijiye " . Toh maloom huwa key din bher ki mehnat sey asal maqsood toh wohi hai jo raat mein hai . Yani Allah key taraf rujhu hona.

Ab jihaad , jihaad ka maqsad bhi yahi hai , jihaad ka maqsad bando ko Allah sey jodna. Bando ko bando ki ghulami mein sey nikaalkey Allah ki bandagi key taraf ley aaye. Jihaad ka ye maqsad hai. Jihaad ka maqsad hukmuraani nai hai , apni badayi haasil karna nai hai, logon key gardano per apna pair rakhna nai hai , logon per zulm karna nai hai , balki jihaad ka maqsad ye hai key duniya mein insaaf qayem ho , aman-amaan qayam ho , aur taqatwala kamzor per zulm na karey , koi kisi ko ghulaam na banaye aur makhlooq makhlooq ko apna banda na banaye . Jihaad isiliye hai aur ye jihaad Allah ka hukum hai , iss jihaad sey hum qiyamat tak kabhi dastbardaar nai hogey. Jihaad qiyamat key khayem honey tak baakhi raheyga. Toh ye bhi eik zariya hai , maqsad nai huwa. Maqsad kya hai - makhlooq makhlooq key shikanjey sey nikalgayi , makhlooq makhlooq key bandagi sey nikalgayi , taaluq khaaliq sey hogaya , ab woh apney khaaliq sey judjaye , ussey apna raabta jodey , ussey apna taluq sahi karey , ye maqsad hai.


Lehaza ye jihaad jo eik zariye key darjey mein hai , ye jihaad jo eik waseeley key zariye mein hai , ye woh amal hai jo maqasid mein sey nahi hai , wasa'il aur zarail mein sey hai , isliye jab aadmi ussey fursat miley toh phir uss kaam mein mashghool hojaye jiskey zariye sey woh Allah ka raast raabta aur taluq qayam karey. Deen ki ye haqiqat bahut sey logo ki nazro sey aujhal hai jiski wajeh sey deen ka sahi tasawwur hamari zindagiyo key ander nahi hai.


Aadmi halaal kamata hai , woh bhi eik darjey mein e'badat hai lekin halaal kamana zariya hai , maqsad nai hai. Eik aadmi ko azaan ki awaaz aati hai , apni dukaan sey nai uthta , Khuda ki bargah mein apna sar nai jhukata , aur paanch waqt ki namaaz nahi ada karta aur koi ussey kahey toh shaitaan ney uskey dil mein daaldiya hai , ab aadmi ye kehta hai - kya halaal kamana e'badat nahi hai , kya biwi baccho ka haq ada karna e'badat nai ? Beshaq halaal kamana bhi e'badat , biwi baccho ka haq ada karna bhi e'badat aur waqt per tijarat karna bhi e'badat lekin jab Allah ka hukum aajaye namaz pado toh uss waqt tijarat karna e'badat nahi , tijarat zariya hai maqsad nai hai , kamana isliye hai key aadmi i'baadat karey , khana isliye hai key aadmi e'badat karey , baakhi kamana khana koi maqsad thodi hai. Woh zariya hai.


Ye jo jihaad hai hamara aur ye jo mehnatey hai jismein hum makhlooq sey judtey hai , makhlooq mein mehnatey kartey hai , ye darsal zariya hai aur asal maqsad hamara Allah ki i'baadat aur bandagi hai , uskey saamney apney sar ku jhukana hai , aur uski mohabbat key ander gum hojana hai .

Lehaza inn dino key ander jo Zul-Hajjah key ayyaam hai , inn dino mein woh amal key jinkey ander aadmi raast Allah sey judjaata hai , woh amaal zyaada fazeelat rakhtey hai unn amaal key muqabiley mein jo neik amal toh hai mager unmein makhlooq sey bhi sabeqa hota hai. Albaata aap ney istasna farmaya key baaz waqt halaat aisey hotey hai key uss kaam ko choda nai jaasakta , kaam anjaami hota hai , kaam waqti hota hai , toh aapney farmaya - mager jabkey taqaza aisa shadeed ho key eik shaks shadeed takhazey ki wajeh sey apna waqt Allah key raastey mein jihaad mein lagadey aur jaan bhi jaye uski aur maal bhi jaye uska , kuch bhi lekar na lautey toh beshak uska amal uncha hojayega aur woh Allah key nazdeek uncha darjey paaney walo mein sey hojayega aur ager halaat utney shadeed na ho toh phir waisi suurat mein woh Amal-e-Saleha key jinkey zariye sey Allah ka raast raabta aur taluq qayam karey , unn Amal-e-Saleha ka ehtemaam kiya jana chahiye.

Behrehaal inn dino key ander neik amal ka ehtemaam , nafil rozo ka ehtemaam , aur raato mein i'baadat ka ehtemaam , ye bahut sawaab aur ajar ki cheez hai , iss Zul-Hajjah key dino mein inn amaal ka ehtemaam karna chahiye.

Qurbani:
Phir qurbaani ka amal hai , hadith shareef mein hai , aap ney farmaya - "Koi shaks qurbani key din khuun bahaney sey zyada mehboob amal Allah key nazdeek nai karta". Yani sabsey mehboob amal Qurbani key din Allah key nazdeek jo hai woh Allah ka raastey mein kisi jaanwar jiska Allah ney hukum diya hai khuun bahana hai , ussey uncha koi amal nai hai. Aur khuun zameen per girney sey pehley Allah key nazdeek qubool hojata hai , bas khushdili key saath qurbaani kiya karo.

Jin logo per zakaat wajib hai , un per qurbani bhi wajib hai. Isi tarah apney marhumeen key isail-e-sawaab key liye qurbaani dee jasakti hai , aur Janab-e-Rasulullah(saws) key liye bhi qurbani kee jasakti hai . Aapka toh ehsaan itna hai key uska toh koi haq ada kar hi nai sakta. Waisey toh hamarey har amal ka sawaab huzur ko pahunchneywala hai lekin apni muhabbat aur taluq ka izhaar hai key aap(saws) ki taraf sey qurbani ka ehtemaam sahib-e-gunjayish log karey. Qurbani khushdili key saath karna chahiye , jo masail hai woh maloom karley.

Inn amaal mein jo hikmatey hai , jo munafey hai woh Allah ko khuub maloom hai , behrehaal uska tabadila apni taraf sey tajweez karney ki zorrat nai hai. Qurbani key mauqey per qurbani hi ka amal karo.

Bahut sey cheezein hamari zindagi mein rasmi hojaati hai, haqiqatey zindagiyo sey nikal jaati hai. Bhai qurbani ka gosh - eik hissa apney liye rakhley aadmi , eik hissa apney rishtedaro key liye , eik hissa ghareebo key liye. Lekin ye mustahab key darjey ka hai , koi aadmi puura bhi khaley koi gunah ki baat nai hai , pura taqseem kardey toh bhi ajar aur sawaab ki baat hai .

Koshish ye honi chahiye key hamari iss Eid mein , aur iss khushi mein aur hamarey iss khaney peeney mein zyaada sey zyaada log shareek ho , lehaza taqseem key liye behtar tareekhey ikhtiyaar kiye jaye.

Jo halaat saamney aaye , kyunkey saamney aaye , zaroori hai unka bataana , na batayajaye toh maloom kaisa hoga , ghalati kaisey maloom hogi , islaah kaisey hogi , key bhai eik jageh aisa huwa key eik makaandar they , uper kirayedaar .
Makaandaar key paas 7 bakrey katey , aur kirayedaar key paas hissa kahin duur sey pahuncha , dopaher key kuch 1 ya 2 bajey key khareeb hissa pahuncha , toh un saheb ney laneywala sey ye kaha key ye pehla hissa jo aapka hamein pahunchraha hai , phir baadmein ye maloom huwa key unhi key makaandaar key paas 7 bakrey katey aur taqseem bhi huwe , aatey bhi gaye , jatey bhi gaye , fridge bhi bhartey gaye , lekin khuda key bando ko iss taraf tawajjoh nai huwi key apney kirayedaar key paas hissa pahunchaye. Bas rasm hai , dhaanp ker idher sey udher bhejdo , udher sey idher aajayega. Idher sey raan samdhavey mein jayegi , samdhavey mein raan yaha aajayegi.

Merey dosto haqiqat apney zindagi key ander paida karo , apney padosiyo mein khaastor pey , apney rishtedaaro mein khaastor pey , ye dekho key kinkey paas qurbaani nai hoti hai , zyaada meqdaar mein bhejdo. Ager khushhaal rishtedaar hai , zaroori nai har eik key paas bheja jaye , warna naraazgi ho nagawari ho , puuri shehar key chakkar lagayajaye , haan ager duur bhi hai koi rishtedaar aur unkey paas pahunchana zaroori samajtey hai , bahut acchi baat hai , lekin woh bhi lakpati aur hum bhi lakpati hai aur uskey paas bhi 10 katrahey hai aur hamarey paas bhi 10 katrahey hai , ab yaha sey 20 km ka safar karkey usey choti si packet pahunchayi jarahi hai aur ghar key pados mein eik woh hai jiskey paas dopaher tak bhi hissa nai pahunchta aur pahuncha bhi toh chota mota hissa pahunchta hai. Arey usey mat pahunchao aur iskey paas zyaada pahunchao.

Lehaza apney aziz-wa-akharib mein aur apney padosiyo mein aisey logo ko maloom karkey jald-as-jald aur zyaadey meqdaar mein pahunchaney ki koshish keejaye , koshish kee jaye aur iskey haqqo tak pahunchaney ki koshish kee jaye. Bazey koshish horahi hai mashallah , har acchi koshish khabil-e-himmat afzayi hai key bhai musalmano key ghareeb bastiyo mein bhi pahunchaye jaye , dehato mein bhi zaroorat hai , baaz dehato mein eik bakrey kahi zubha karadey toh saarey dehaat waley khush hojatey hai. Aaj eesayi tanzeemey kaam karrahi hai , qadhiyani kaam karrahey hai , gau mein khilatey pilatey hai logo ko aur unkey imaan per daka daaltey hai , toh hum bhi fikar karey kuch gau ki hum zimmedari leley key bhai fala gau mein apney jaanwar hum zubha karadingey , waha eik do jaanwar zubha hojaye gauwaley khush hojayingey , unkey deen aur imaan ki hifazat ka bhi zariya banjayega. Isii tarah behrehaal isko zyaada sey zyaada nafa dusro tak pahunchaney ki fikr aur koshish keejaye, iska bhi ehtemaam kee jaye.

Chamdey qurbani key mutaliq:

Akhir mein eik baat chamdey qurbani key mutaliq arz kiya karta hu key bhai - key dekho mahol bangaya , log madaris ( behrehaal madarsey jo usool key mutabiq chalrahey hai woh iss ummat ka bahut kheemti sarmaya aur unsey hamein mohabbat honi chahiye aur hamein maloom karna chahiye kounsa usool key mutabiq chalraha hai , uskey liye apna maal hi nai , hamein toh apni jaano ko bhi nichawar karna chahiye ager zorrat padey toh . Ye madaris sey ham dastbardaar nai hongey , inhey darayajaaraha hai , kabhi laalach diya jaaraha hai , lekin hum inshallah koshish karingey aur Allah ki taufeeq shamil-e-haal rahey , Allah karey toh inshallah hum inn madaris ki tashawwus aur iski shinaaqt baakhi rakhingey , isko badal nai dengey hum ), behrehaal ye madaris bada sarmaya hai , kaam karney waley acchey bhi hai , burey bhi hai , usool key mutabiq bhi chalney waley hai , bey-usooli aur badgumaniya karney waley bhi hai , woh masla aur woh behas duusri hai lekin merey dosto behrehaal madaris waley koshish kartey hai .

Ab ghar ghar pey ye bacchey chakkar lagarahey hai , ye mehman-e-Rasool hai , ye chamdey key liye hamarey ghar key chakkar lagaye , kai kai din pehley sey phirey , aur kabhi kabhi kashmakash hojaye key hum lingey , hum lingey aur kabhi kabhi toh jhoot aur dhokey tak ki naubat pahunchjaati hai , aur badgumaniya bhi hojatey hai.

Merey dosto hum ager chamda deney waley hai , hum ye samjhey hum deney waley nai , leney waley hai , aaj koi idaara aur koi fard hamarey chandey ya chamdey ka ya sadqey ka jitna mohtaaj hai hum ussey kahi zyaada nekiyo key mohtaaj hai , hamein lena hai dena nai , hum deney waley nai , sawaab leney waley hai . Har kaam key liye chakkar lagatey ho , merey dosto iskey liye bhi kehdo - key inshallah jiss idaarey per hamein ete'maad hai hum inshallah uskey paas laker khud pahunchayingey, yaha zehmat karney ki zorrat nai hai lehaza khud jao aur khud pahunchao aur yaad rakho key koi kitna hi bada sadqa ho , kitna hi bada maal kharch karo Allah key paas uski koi kheemat nai jabtak dil ki kaifiyat durust na ho , ager dil mein ikhlaas na ho , ehteraam na ho, dil key ander ye kaifiyat na ho , bas aisehi phenkrahey ho kisi key moo pey toh yaad rakho woh bhi phekdiya jayega tumharey moo per . Allah key nazdeek uski koi kheemat nai hai , Allah deney sey zyaada deney ki kaifiyat ko dekhtey hai lehaza jaha aetmaad na ho unkey liye koi appeal nai koi guzarish nai aur jaha aetmaad ho waha apni zaroorat samajker pahunchaye illa ye key ghar mein koi mard na ho , majbuur ho , aisi suurat mein karkuno ko it'tala karo . Baakhi har idarey key liye hai ye baat key ehtemaam iska kiya jaye aur inn chotey chotey baccho ko phiraney ka mahol ager khatam hojaye toh ye bahut hi acchi baat hogi . Allah mujhey aapko sabko taufeeq-e-amal naseeb farmaye.

Mufti Nawalur Rahman Saab , Bayaan at Markaz , 02 Dec 07

Jo nazar aata hai woh makhlooq hai , jo shakl-o-surat rakhta hai woh makhlooq hai. Puuri makhlooq mohtaaj hai , apni wujuud mein mohtaaj, aur apney wujood sey nikalney waley asraat mein mohtaaj , chahey nafa key ho ya nuqsaan key.

Makhlooq sey kuch hota huwa nazar aana , ye mushahidey ki aankh hai . Aur makhlooq key peechey Allah (SWT) key khudrat sey , unkey iradey sey hona , ye nabuwwat ki aankh hai .

Puuri Makhlooq apni wujuud mein Allah ki mohtaj , aur wujuud key baakhi rehney mein bhi Allah ki mohtaaj:
Makhlooq ka wujuud hi nahi tha , na chand tha , na sooraj tha , na taalaab they , na aasmaan tha , na insaan they aur na inka koi mad'da ( material ) tha . Allah they aur koi cheez nai thi. Unhuney makhlooq ko paida farmaya. Toh puuri makhlooq apni wujuud mein Allah paak ki mohtaaj. Phir aisa bhi nai key eik baar wujuud mein aagaye ab mohtaaj nai hai , paida honey mein mohtaaj tha ab nai hai mohtaaj , aisa nai hai . Wujuud key banney mein bhi mohtaaj hai , aur wujuud key baakhi rehney mein bhi mohtaaj hai . Aasmaan wujuud mein mohtaaj tha , aur jab tak uska aasmaan bana rehna hai jab tak mohtaaj hai. Har cheez key wujuud ka wujuud rehney mein woh Allah key mohtaaj hai .

Aur wujuud mein tasalsul hota hai , itni badi makhlooq ko Allah ta'ala uski haisiyat ki mutabiq detey hai . Har makhlooq har aan , har second mein Allah ki mohtaaj hai. Tubelight aisa dikhayi deti hai key jalrahi hai , halaankey ghaur karey aadmi , usmein har waqt fana aur baqa , maut aur hayaat lagi huwi hai . Eik juz uska jaljaata hai , dusra juz peechey sey aata hai , bijli ka eik juz jaljata hai aur dusra peechey sey aata hai , jab dusra jalta toh teesra peechey sey aata hai , eik hissa jalta hai toh dusra peechey sey aata hai , lekin woh itna tezi sey aaraha hai , itna tasalsul key saath aaraha hai key darmiyaan key jalney waley ki fanayyiat jo hai woh nazar nahi aaraha hai . Aisa lagraha hai jaisey key tube jali huwi hai , kaha jali huwi hai , eik martaba jaladiye aur jali huwi rehti toh bill kyun banna padta tha hamein . Saahib-e-maarifat ka kehna ye hai , Aarifo ka kehna ye hai key puri kayenaat mein yehi nizaam hai , khud hamarey ander bhi yehi nizaam hai , barabar insaan key jism key uper fana aur baqa ka silsila rehta hai . Nahi istaghna hai Allah ta'ala sey palak jhapakney key barabar bhi . Har waqt Allah ta'ala key taraf sey faizan-e-wujuud hota aur horaha hota hai.

Majaaz:
Isliye makhlooq sey nazar hatalena , nafa nuqsaan makhlooq mein nai dekhna , insey hota , unsey hota , seth saab sey hota , wakeel saab sey hota , minister sey hota goya Shirk-e-faali ka shikaar hojata hai aur huwa ye isliye key majaazan iski ijaazat di , haqeeqatan toh nai di . Majaaz kehtey uss baat ko key lafz key haqiqi mana jo hai woh murad nai kiye jaye , dusrey muraad kiye jaye jaisey hum kehtey hai – kisi bahadur aadmi ko sher boltey hai , sher jo jungle mein hai who haqiqat hai uski aur jo bahadur aadmi hai ko sher kehrahey hai who majaaz hai . Ye majaaz jo hai who istemaal hotey hotey hotey hotey haqiqat bangaya . Ijazat thi key doctor sey ilaaj karwaye, arey doctor saab aap kya dawa diye mashallah , kisi ney sifarish karadi , naukri milgayi aur uskey sifarish karney sey kaam bangaya , kisi ney khana khiladiya toh bhook mitgayi , kisi ney kapda pehnadiya toh sardi sey bachney ka intezaam hogaya. Toh shariat ney kaha , theek hai , aap majaaz ka istemaal karsaktey ho , ab ye majaaz ka mizaj itna badgaya ummat key ander key usko majaaz hi yaad rehgaya , majaaz ko haqiqat mein badaldiya , haqiqat sey ghafil hogaya , bas bhoolgaya key karney waley zaat sirf Allah hai , nafa aur nuqsaan Allah sey hai , maut aur hayaat Allah sey hai , sehat aur beemari Allah ki taraf sey hai , izzat aur zillat Allah ki taraf sey hai , kamo ka banna , na banna Allah ki taraf sey hai , karobar ka chalna , na chalna Allah ki taraf sey hai , khushi aur gham Allah ki taraf sey hai , halaat ka bigadna Allah ki taraf sey hai , halaat ka banna Allah ki taraf sey hai .

Puri ummat key halaat ye nahi key Allah key hukum key baghair chalrahey hai , Allah key manshey key baghair chalrahey hai , aisa nai hota , Allah eik baat chahrain , dushman eik baat chahrain , Allah jo chahrain who ho nahi raha , dushman jo chahraha hai who horaha hai , aisa hota hai kabhi ? Dushman chahraha hai lekin dushman ko karney ka mauqa koun deraha hai , ijazat kyun di dushman ko theek hai jootey maarley inko , barbadi kardey inki , dushman ko mauqa kyun horaha hai , aisa thodi hai key Allah key chahey baghair ye hora hai , jo hota hai merey dosto woh Allah key taraf sey hota hai , isiliye tauheed key ander ye baat rakhi huwi hoti hai key makhlooq sey nazar hatjaye .

• Tauheed ki khususiyat ye hai key Allah per bharosa aajana aur ghair per sey bharosey ka uthjaana ,
• tauheed ki khususiyat ye hai key Allah ka darr aur khauf aajana aur ghair ka darr aur khauf nikaljaana ,
• tauheed ki khususiyat ye hai ro’ob ho Allah ka , azmat Allah ki aur makhlooq ka ro’ob khatam hojana ,
• tauheed ki khususiyat ye hai key kisi sey koi tawaqqo nai rakhna

Asbaab duniya key ander qayam farmaya takey sabab per parda rahey aur iss pardey ki peechey faayez hai usko pehchana ye imtihaan hai iss duniya ka . Sabsey pehla sawaal rububiyat ka hai , manrabbuka , isliye key duniya mein bhejney sey pehley rububiyat hi ko sikhaya gaya - kya main tumhara rabb nai hu . Duniya mein jaaney key baad , kiska imtihaan dena hai - rububiyat ka .

Beshak Allah ney khareedliya hai imaanwalo sey unki jaan ko , unki maal ko . Imaanwaley ka khareedar sirf Allah hota hai , imaanwala kisi aur ko nahi bikta. Aur ager kisi aur key haath bikgaya toh woh imaanwala hota nai.

Nabi-e-paak (saws) ka tareeqa:
Jo Nabi-e-paak (saws) ka tareeqa hai woh Allah key manshey key muwafiq hai . Aapku aakhri nabi banadiya , qiyamat tak key liye. Qiyamat tak jitney insaan aayingey saaro key liye Allah ney Huzur-e-paak (saws) ka tareeqa chunliya. Nabi key tareeqey key ilawa Allah paak ka mansha pura nai hoga , jab Allah ka mansha nai hota toh Allah razi nai hotey , nabi key tariqey key ilawa kisi cheez sey Allah raazi nai hotey . Aap ka duniya mein aaney key baad , nabuwwat key miljaaney key baad , duniya key dusrey tariqey hi nahi , pehley key jo aasmani tariqey hai woh bhi nahi chaltey , ab andaaza lagalijiye.

Hazrath Ml.Ilyas saab (ra) ka manqul ye hai key huzur-e-paak (saws) key tariqey key saamney jab dusrey aasmani tariqey nai chalsaktey toh insaani tariqey kaha chalsaktey hai , dusrey aasmani tariqey nai chalsaktey , woh qubool nai hai , woh marduud hai . Merey dosto aadat dalleyna , mehnat karna iss baat per key Allah tabaraku wa ta'la key marzi key saamney apni marzi ko hum fana kardetey hain aur huzur-e-paak (saws) key tariqey key saamney apney tariqey ko hum fana kartey hain , hamari apni nai chaleygi.

Mizaj-e-Ibrahimi:
Puuri duniya raazi ho ,naraaz ho , iski fikar kiye baghair Allah ko khush rakhney ka jazba , duniya ki izzat aur unka isteqbaal aur duniya ki bey-izzati , issey nazrey hataakar key koi khush hota ho , na hota ho , izzat deta ho , na deta ho , chahta ho , na chahta ho , issey mujhey kuch behas nai , main kisi aur ka hu hi nai , main toh Allah ka hu - ye hai Mizaj-e-Ibrahimi. Unko parwa hi nai thi , unko waqt key baadshah ki parwa hi nai thi , apney baap wazeer ki parwa hi nai thi , wizarat ka ohda unka isteqbaal karraha tha uski parwa nai thi , itney saaro key saamney buttparasto key saamney main La ilaha illallah ka sada lagaunga kaun suneyga , unko iski parwa hi nai thi , unhuney sada lagayi. Awaam sey lekey hukumat tak saarey key saarey baaghi they.

Namrud ney kaha main samjhalunga , bulaya Ebrahim (as) aur Rabb key mamley mein behas ki thi Ebrahim (as) sey aur usko badappan kismein aagaya tha - Allah ney mujhko baadshahat deydi . Woh samajra tha key baashahat dedi toh maarifat bhi milgayi shaayad , jaisey iss zamaney mein theek aisa hi hota key jo aadmi duniya ka ilm seekhleta hai usko ye ghalat fehmi hojaati hai key woh deen ka ilm bhi seekhliya - Quran ki tafseer hum karsaktey , bukhari ki tashreeh hum karsaktey , haditho ka matlab hum batasaktey , masail hum niptasaktey , usko ye khayaal tha key main baadshah hu toh merey paas kya kuch nai hai , merey paas ma'arifat bhi hai . Ebrahim ney kaha mera Rabb woh hai jo zinda karta hai , phir maarta hai . Namruud ney kaha ye kaam koi mushkil nai hai - main bhi zinda karta hu aur maarta hu aur jail khaney sey do mujrimo ko bulaya , unka jurm ye tha key unki saza mein unko qatal kardena tha , eik ko usney qatal karadiya aur eik ko choddiya aur bolo dekho mainey isko maardiya aur dusrey ko zinda kardiya , halaankey iss maney mein toh nai boley they Ebrahim(as). Phir Ebrahim(as) ney kaha - asal mein ye hai mera Rabb suuraj maghirb sey nikalta hai , aur tum barabari karrain na , tum mashriq sey nikalo . Ab kya karta , kuch jawaab hi nai tha iska .

Jab haq ki baat chalti hai , toh logo ko aisa mehsoos hota hai key ye haq ki baat chalaney wala fitna karta hai , halaankey fitna jo horaha hota woh haq qubool nai karney sey hota hai .
Phir butto ka tazkara ,key butto ko toddiya aur badey ko batakey kaha key shaayad isney kiya hai , hatoda usi key paas hai. Logo ney kaha madat karo hamari mabudo ki lehaza inko aag mein daaldo , 40 din they uss aag mein Ebrahim(as), aag Allah key hukum sey baagh bangayi thi Ebrahim(as) key liye. Ml.Rumi (ra) ney ash'ar bayaan farmaya jiska matlab ye hai key - Namrud aur namrudiyo ney kaha key-" tujhey kya huwa , tu aag nai hai , jalati nahi ? Toh aag sey awaaz aayi - "hu toh main aag , lekin tera intezaar hai , tu aa phir bataungi".

Jaisa aag ka wujuud Allah key taraf sey hai , waisey hi uski sifaat jalaaney ki bhi Allah hi key taraf sey hai , Allah chahey toh ussey jalaney ka kaam ley ,chahey toh salaamati ka kaam ley , paani ko chahey toh maarney ka zariya banadey , chahey toh bachaney ka zariya banadey. Puri makhlooq pey sey nafa aur nukhsaan ka apney zehen sey hatjaana ye La ilaha illallah key uloom mein sey hai , ye uskey laazmi taqazo mein sey hai , taakey sirf Allah ko raazi karney ka jazba aajaye , ye haqiqi ma'arifat hai . Uska nateeja ye hota hai key - bandey key ander bandagi ka saleekha aajata hai - mujhey sirf Allah ko khush karna hai , mujhey sirf Allah key marzi ko dekhna hai , mujhey sirf Allah per jaan qurbaan karni hai , mujhey sirf Allah key raza key liye kaam karna hai - Mizaaj-e-Ebrahimi yehi tha .

Phir apney biwi aur betey ko chodkey jaana khuley reghistaan mein , jaha paani nai hai , koi asbaab nai hai. Allah musabbbibul asbaab hai , paani nikaaldiya . Zam Zam ka paani woh kaam karta hai jiskey liye piya jaye - pyaas bujney ki niyaat sey piyo toh pyaas bujhjayegi , bhuk mitney ki niyyat sey piye toh bhuk mitjayegi , beemari sey shifa ki niyyat sey piyo toh beemari sey shifa miljayegi , jehalat duur honey ki niyyat sey piyo toh jehalat duur hojayegi .

Deen ki mehnat ka jo andaaz hai , jo tareeqey kaar hai usmein mard aur aurat aur baccha , teeno shaamil hai , family puuri hai. Aaj hamarey badey khawateen key kaam key liye zor deyrahey hai , wajeh ye hai khawateen mein mehnat karney ka jazba aur unko deen pey laney ka jazba ummat mein bahot kam hogaya hai. Hajira (rz) iss zehen ki thi aur unhuney tawuun kiya , saath diya toh hosaki na saari kahani , ager woh peechey peechey aajati toh? Unka imaan bana huwa tha . Esmail(as) ku aakey Ebrahim(as) ney kaha khwaab toh mainey aisa dekha hai , tumhari kya raye hai? - Babajaan aapku jo hukum diya gaya ho woh kijiye aap.

Eik duud ka khatora aur 80 Sufa walo ko daawat:
3 din key bhuukey aur eik khatora duud aaya aur Huzur ney eik khatorey duud mein shareek karney key liye 80 aadmiyo ko bulaya .Abu Huraira (rz) kehtey hai key Huzur key iss baat per amal karney key baghair chara nai tha bakhiya akhal tasleem nai karri thi iss baat ko key eik khatorey duud mein , 3 din key bhukey aadmi key haath mein hai woh aur uskey baad aap 80 logo ko bularahey hain ye peeney key waastey , toh kya banega iska , merey peth mein kya jayega aur woh ye bhi kehtey hai key mujhey Huzur ki aadat maloom thi ki main unlogo ko bulaunga toh huzur ye nahi kahingey tum tumhara hissa peekey inko do , huzur ye kahingey key pehley unko pila phir apna hissa pee , khud bayaan karrahey hai woh. Huzur ney 80 sufa walon ko buladiya aur kehney lagey pila unko . Merey dil pey kya guzarrahi thi mujhey maloom hai lekin hum jaantey nai they key Huzur ki baat per amal nai kiya jaata , hum isko nai jaantey they. Hum isko jaantey hi nai they key Huzur ki baat per amal nai kiya jaata. Woh pesh kardiye , log peetey gaye , eik key baad eik , eik baad eik aur khatorey mein ka duud khatam hi nai hora. 80 key paas sey khatora phir key aagaya aur duud bhara huwa hai waisehi.Toh samajhgaye key Huzur-e-paak (saws) ney maujiza zaahir farmadiya. Huzur (saws) khud bhukey hai , aap ney muskuraya aur kaha - ab tum piyo , unhuney peekey aapko pesh kiya , toh huzur (saws) ney farmaya - Abu huraira , aur piyo . Unhuney phir pesh kiya - aap ney phir kaha - Abu huraira - aur piyo. Abu huraira farmatey key main halaq tak peeliya aur duud waisa ka waisa phir aap ney farmaya lau mujhey do aur aap ney piya. Mager ye muzahira kab huwa , jab shuru mein aetraaz nai kiya . Ye muzahira kab huwa - jab hukum per amal kiya gaya , sab sahaba ka mizaaj yahi tha. Isliye huzur ney farmaya - merey sahaba sab Abid hai , merey sahaba sitaro key maanind hai , jo muhajereen hai woh , jo ansar hai woh aur jo unki ittaba karney waley hai woh sab sey Allah khush hogaya. Kyunkey sabki tarbiyat huwi. Sab sahaba ka mizaaj ye tha key Allah paak key marzi key liye apney aap ko qurbaan kardingey.

Merey dosto , bhaiyo , ye jo daawat wali mehnat hai , iss mehnat mein iss mizaaj ko paida karna hai , hamarey buzurg ye farmatey. Isliye iss mizaaj key paida honey tak mehnat karna hai , aur mizaaj key paida honey key baadmein bolna hi nai padta kyunkey ye mizaaj khud chahta hai key mehnat karu. Allah key raastey mein 4 , 4 mahiney , 40 , 40 din isliye nikalney key liye kaha jaata hai merey dosto key ye La ilaha illallah ki haqiqat sey hamara dil aashna ho , aur woh baithjaye dil mein . La ilaha illallah ka ulooom ka , uskey zimmedaria ka jo istehzaar hai , Allah paak ki sifaat ka , Allah key rabb honey ka , Allah key kudrat key uper aetmaad ka , Allah paak key saath khususi mohabbat aur taluq ka eik istehzaar hota hai , ghalba hota hai , uss ghalbey haal mein bandey sey Allah ki mukhalifat nai hosakti , ager zara sa bhi mukhalifat hojaye toh unkey uper pahaad tutjaata , thodi si bhi unsey ager koi kaam sunnat key khilaaf hogayi toh unkey liye museebat hojati hai. Aisa nahi key -ye sunnat hi toh hai , ye mustahab hi toh hai , karey toh sawaab , nai karey toh koi gunah nai hai .

Iss mubarak mehnat key zariye sey har khatoon mein , har behen mein , har bachey mein chahey jawaan ho , chahey adhed umar ka ho , pada likha ho , bey-padalikha ho , rozgaar ho , beyrozgaar ho , ameer ho , ghareeb ho , tandurust ho , beemar ho , sab mein eik jazba aajaye Allah ko raazi karney key liye mehnat karneyka , Allah ko raazi karney key liye mujahida karney ka , Allah ko raazi karney key liye Allah key hukum pey jamney ka . Jab ye jazba merey dosto ummat mein aajayega , Allah tabarakuwata'la raazi hojayingey , Allah paak halaat ko banayingey . Ummat ka zahiri halaat ka bigaad sabko sadma deraha hai lekin ummat key deen ka bigaad kisi ko sadma nai dera.

Hum ye samajrahey hai musalmano key halaat kharaab hai purey aalam key ander , kya kuch hora hai musalmano key saath , lekin khud musalmano mein Nabi-e-paak (saws) key tariqo key saath kya kuch karrahey hai , kisi ney dekha hai. Aap ka laya huwa pakeeza tariqa , kaisi tabahi aur barbaadi usper chahi huwi hai , kaisey usko maut key ghaat utara jaraha hai , kaisey uska gala ghota jaraha hai , iss ummat ney kabhi isper ghaur nai kiya . Tum Nabi key tariqo ka gala ghotogey , tum unko zaye karogey , tum unkey beyizzati karogey toh Khuda tumko izzat sey rakheyga? toh Khuda tumko abaad rakheyga? Khuda tumharey halaat ko banayega? phir dushmano ko tum per nai chodeyga ? - Jaisi karni waisi bharni . Ye jo hamarey saath horaha hai hamarey hi kartootey hai .

Puuri ummat mein aap ghoomlijiye , chalphir key dekhlijiye , key ummat kis haal mein hai , kya karrahi hai Nabi-e-paak (saws) key tariqo key saath , namaazo ka kya haal hai , sunnato ka kya haal hai , tehzeeb ka kya haal hai , culture ka kya haal hai , ma'ashirat ka kya haal hai , libaas ka kya haal hai , khaaney peeney aur khushi ghum mein kya tariqey chal rahey hai , mamulaat kaisey hai , sab dekhlijiye aap . Jab hum Huzur-e-paak (saws) key hayat-e-mubaraka aur aapkey pakeeza tariqo key saath khel tamasha karingey aur ye khel tamasha hota kyun hai - Allah paak ki rububiyat ka yaqeen nikaljaney ki wajeh sey , La ilaha illallah ka yaqeen mujmayil hojaney ki wajeh sey , aqeedat key ander istehzaar ki kami hojaani ki wajeh sey , parda cha jaata hai aadmi key uper , aur aadmi iss duniya ko sonchney ka , dekhney ka , jayeza leney ka andaaz wohi ikhtiyaar karta hai jo unlogo ka hota hai jinka akhirat per yaqeen nahi hai , jo emaan nai rakhtey , jo beyimaan hotey hai , unkey tariqey key mutabiq sonchta hai , unhikey taur tariqey ikhtiyaar karta hai , unhi jaisey program banata hai , unhi jaisey mansubiya bandiyo ko jaari karta hai.

Zaahir hai kyunkey haalat unkey saath ghair hai iswajeh sey key unko akhirat mein koi hissa nahi , jo ghair nai ha, apney hai, lehaza unko pakda jaata hai - tumhari tambi kijayegi, tumhari tehzeeb ki jayegi , tumhey dhoya jayega, tumharey gunaho ko maaf kiya jayega , tumhey Allah key taraf mutawajjeh honey ka chance diya jayega, jaisakey hadith sharif mein hai -"Uss waqt tak ummat sey halaat ko hataya nahi jayega jab tak key tum apney haalat per waapis nai aaogey".

Allah sey zyaada koi ilm rakhney wala nai , Allah sey zyaada koi taqat wala nai , Allah sey zyaada koi tadbeer wala nai , Allah toh woh zaat-ali hai key jisney jo tadbeer ikhtiyaar ki usko usikey tadbeero mein lapeytdingey , Allah key liye koi mushkil nai , ye toh Allah paak kartey aaye hai , Allah kartey rahey hai ye sab . Firaun ye samajta raha key saarey baccho ko hi main maardiya toh phir kaun hoga , Allah ney kaha jis bacchey sey teri barbaadi hai usko terey ghar mein paalunga , maar kitney baccho ko maarta hai. Usi sey nigrani karadi , jisko uper jitna zyaada khatra tha uss uper utni zyada hifazat lagadi , jissey jitni zyaada nafrat thi ussey utni zyaada mohabbat daaldi. Allah paak ney firaun key nigaho ko Musa(as) key nigrani key liye istemaal kiya - Quran-e-paak mein hai. Jaise hi tumko dekheyga main uskey dil mein tumhari mohabbat daaldunga. Jis nafrat aur dushmani ki nigaho sey woh dekhta tha bani israeli key baccho ko - key kahi ye woh toh nai hai , ye woh toh nai hai , jo merey liye khatra baneyga , nujumiya ney bataya tha , bas usi dekhney key ander Allah paak mohabbat daldetey , mohabbat aaney key baad kya karsakta , kuch nai karsakta .

Aur jab woh dushman peecha karta bani israeliyo ka , sonchtey huwe key - ye thodey sey log hai , hum iss waqt khuwwat waley hai , aur hamarey paas taaqat hai , aur hamarey paas puura samaan hai , humto inko bhusa banadingey thodi der mein , inkey paas toh kuch hai bhi nai jissey apni hifazat karey. Allah paak ney irshad farmaya Quran-e-paak mein - "ye log baniisraeli key peechey nikalrain nai they , inko main nikaalraun tha" , key aao tumharsey kaam hai , thoda aao ." Humney nikaala unko unkey baagho mein sey , chashmo mein sey , khazano aur maalo mein sey , izzat ki kursiyo pey sey , woh samajhrahey hai key hum jaarahey hai peecha karney key liye ". Allah kehrahey hai key woh jaa nahi rahey they , main laa raha tha unko . Wahin sab ko dubodiya.


Log chaal chaltey hai , Allah bhi chaal chaltey hai . Jitni buri tadbeerey karney waley kartey hai , unko pata nahi hota key unhi key tadbeer usi ka ghera daaldeti hai Allah key taraf sey . Allah paak ki shaan hai .

Jitni aadmi mehnat karta hai utni imaan mein taraqqi hoti rehti hai. Nabi key imaan key kisi ka imaan pahunch hi nai sakta . Ghair-e-nabi kabhi nabi key imaan ko pahunch hi nai sakta. Nabiyo mein Imamul Anbiya Huzur-e-paak(saws) hai , toh kya imaan hoga aap andaaza lagalijiye. Ghari-e-nabi mein sabsey afzal imaan waley woh AbuBakker Siddiq (rz) hai , pichley zamaney key bhi , baad key zamaney key bhi , aap sabsey afzal hai. Huzur(saws) ney farmaya - "Abubakker ka imaan eik padley mein rakhdo aur puuri ummat ka imaan eik padley mein rakhdo Abubakker ka padla bhari hojayega" , aur puri ummat mein sarey Sahaba bhi shaamil hai , aap andaaza lagalijiye.

Imaan , imaan ki taaqat hoti hai , imaan ki quwwat hoti hai , iman ki kaifiyat hoti hai , imaan ka eik zauq hota hai , woh jo zauq hai woh mehnat musalsal kartey rehney sey badta hai.

Do raasto sey manzil aati hai - aadmi key seedhey raastey pey chalna aur chalna , aadmi ka thairna nahi , chalna.

Puri duniya key musalmano mein La ilaha illallah ka yaqeen paida hojaye aur puri duniya key musalmano mein Huzur-e-paak(saws) ka tariqa amali aetbaar sey zinda hojaye , kisiko bhi huzur(saws) key tariqey key ilawa koi aur tariqa pasand hi na aaye , sabsey nafrat hojaye. Aisey musalmano mein jazba aajaye. Aisi mehnat merey dosto puri duniya mein karna hai.

Allah ki rububiyat per bharosa karingey , Allah per tawakkal karingey , Allah karney waley hai , Allah asbaab bananey waley hai , nafs aur shaitaan toh apney saath mein laga huwa hi hai - mera jee bolega toh main jaunga - jee hai hi nai haan bolney key wastey , ye jee iss kaam mein haan bolney key wastey hai hi nai , dusrey kaamo mein haan bolney key wastey hai jee , merey halaat banjayingey toh main jaunga - halaat toh jaaney key baad banney waley hai , isliye merey dosto himmat sey kaam lena padta hai , nafs ki mukhalifat karni padti hai , zindagi ka koi bharosa nai , jo waqt baakhi hai woh kahi zaye na hojaye , Allah paak uski khader karney wala banadey , hum sab mein mizaj-ebrahimi aajaye, Haqta'la shanahu mujhey aur aapku , hum sabko apney mubarak deen ki mehnat key liye sifat-e-qubuliyat key saath qubul farmaley , himmat aur iraadey karkey apney naam batao.

The humility of Prophet (saws )

Muhammad [sallallaahu alayhi wasallam] this great saviour of humanity and beloved of Allaah sat on the floor enjoying the food of the slaves when they invited him to eat with them. By contrast, we constantly hear the poor complaining of being marginalised by their leaders while the rich receive more attention. The Prophet exemplified the Quranic teaching: 'Be kind to those who follow you from among the Believers.'" He responded to invitations to eat even if he was offered sheep trotters; he accepted the trotters if they were offered to him as gifts.
He walked to the edges of Madeenah to visit the sick, the old and the needy. An old lady grabbed him by the hand. 'I have a need that I want to address to you,' she said. Smiling, he replied, 'Please take me to any corner or street of Madeenah. I will walk with you and listen to your need until you are relieved.'

The women of Madeenah were happy in his presence. He helped them to knead the flour and milk their sheep. He carried the parcels from the bazaars and refused any help from others. He helped with all chores in the house. He swept and washed the utensils, stitched his own clothes, and served himself and the family; but when he heard the call for prayers (adhaan), he stopped immediately, left his house and went to pray in the Mosque.

When he found the Companions sitting down, he would sit where their circle ended. Those who attended these circles for the first time found it difficult to identify the Prophet [sallallaahu alayhi wasallam], as he objected when they offered him an elevated seat or tried to make him conspicuous. Once, leaning on a stick due to old age and poor health, he entered the presence of the Companions. They jumped from their seats to greet him, but he stopped them. 'Defy the ways of the Persians and the Romans. They are extreme in their veneration of their leaders,' he instructed. He disciplined his Companions and guided them towards the humble ways. He expressed fear that the people's habit of standing up when he arrived would become the norm.
After studying the reason for his objection, scholars still permitted standing up to show respect for a true and pious scholar; however they forbade it for the one who compels people to stand up for him.

He detested excessive praise and advised throwing sand in the face of a person who used such praise. 'Do not venerate me like the Christians in their veneration of the Prophet,' the Prophet [sallallaahu alayhi wasallam] warned. He rejected titles such as 'the elite', 'son of the elite', 'our master' or 'the son of the masters'. He preferred to be called by the names given to him by Allaah, such as 'Messenger of Allaah', 'Prophet of Allaah' or 'Servant ('abd) of Allaah'. Particularly impressive is his description of himself: 'The son of a lady who ate dried meat'. Those who ate dried meat were the poor, and thus he associated himself with them. Then he remembered his mother by associating himself with her. Aamina, the mother of the beloved, was an important woman whom we tend to overlook as we overlook the role of mothers in general! May Allaah forgive us.

The Prophet [sallallaahu alayhi wasallam] declared war against the boastful. He said they would not enter Paradise with even a grain of boast still in their hearts. He illustrated ways of humiliating them: 'As the boastful walks with pride, showing off with glamorous clothes and beautiful hair, Allaah will split the earth under him or her. Then he or she will slide into chasm, only to come out on judgement Day,' he warned. He was modest and humble, more so than a veiled young girl. But he expressed rage clearly when he witnessed violation of the sacred teachings of Allaah His anger and outrage were more visible than that of his followers. A most beautiful sight was to see him enter Makkah as a conqueror, prostrating as he sat on his camel. He lay so low that the children could touch his face. In the most humble way, he declared freedom to those who expelled him, to those who persecuted his followers, to those who martyred Sumayah and many others. He did not enter as the tyrant conqueror, but followed the teachings of Allaah, 'Enter the gate submissively, observing extreme humility!" . He executed only four of the Quraish and pardoned the rest.

All this humility was due his understanding of the majesty and glory of Allaah and to the acknowledgement of his own humanness and total dependence upon Allaah. We learn this from his answer to Umar [radhiallaahu anhu]: A hypocrite who refused to pray insulted the Prophet for correcting him. The Prophet [sallallaahu alayhi wasallam] said, 'Allaah does not need his prayer. Angels are standing, others bowing and others prostrating and all of them remain in celebrating His praises until the final day.'
His wife rubbed his stomach to subdue his hunger pains. She cried in appreciation for the clemency that the Prophet showed his family by giving them food first and going without food himself.

- Taken from http://www.alinaam.addr.com/library/lmadeenah.htm

Dr.Nazeer Saab, Markaz Bayaan , 09 Dec 07

Excerpts

Allah ki Rubuubiyat:
Moosa (as) Allah sey poochtey key - " aye Allah main dekhna chahta hu key aap kaisey paaltey hai , kaisey rozi pahunchatey hai " . Toh Allah taala farmatey -" kya tumhey yaqeen nahi hai Moosa ? ". Moosa (as) farmatey - "nai, yaqeen toh hai mager bas itmenaan key liye ". Toh Allah ta'ala farmatey accha woh chattan ku apni laathi sey maro . Moosa(as) ney uss chattan ku maara , woh chattaan phatgaya , phatkey aur eik patthar nikla , phir mara toh aur eik patthar nikla , phir mara , - maarey toh usmein sey eik keeda nikla jiskey mu mein eik hara patta hai . Aur woh keeda wazifa padra , keeda kehraha hai - " paak hai woh zaat jo mujhey dekhti hai , aur merey baat ko suntey hai , woh mujhey yaad rakhtey hai , aur meri zorrat ku uskey waqt per pahunchatey hai ".

Suleman(as) ney Allah sey guzarish ki key main aapki saari makhlooq ku eik waqt ka khana khilana chahta hu . Allah ney kaha - tumsey nahi hoga . Suleman(as) ney israar kiya toh ijazat milgayi . Suleman (as) jo nabi bhi they , baadshah bhi they , har eik , jaanwaro key , jinnaat key . Khair unhuney bhot muddat tak khana banaya , dher sara aur soncha key ye bas hojayega. Toh shuru kissey karingey bolkey , soncha key paani key makhlooq sey shuru karingey toh daawat diye . Eik badi machli nikli aur saara ka saara khana jo Suleman(as) ney saari makhlooq key liye tayyar kar rakha tha woh eik luqmein mein khaali aur kehney lagi - bas itna sa Suleman , tumney toh mujhey bhooka rakhdiya, Allah paak toh mujhey aisa roz do martaba khilaatey hai ."
Allah taala aisa paalney waley hai .

Huzur(saws):
Allah paak ney Quran-e-paak mein farmaya - Aap kehdijiye merey Habeeb (saws) - "Ager tum Allah paak sey mohabbat rakhtey ho toh meri ittaba karo , Allah paak tumsey mohabbat karingey , Allah paak badey bakshney waley hai " .

Huzur(saws) ki shaan ko, aapki martaba ko , aapkey muqaam ko hum nahi samajhtey . Ager samajhtey toh aap key eik eik irshaad per jaan dedetey , aap ki eik eik sunnat ko jaan jaan ker usper amal kartey .

Farmaya - Huzur(saws) ki shaan hum bayaan nai karsaktey jaisa key haq hai , aur muqtasar ye hai key - Allah paak key baad ager koi buzrug hai toh woh Allah key paak Rasul(saws) hai.

3000 sey zyaada maujizey they Huzur(saws) key . Ulama ikram ney farmaya - aap ka har kalaam maujiza hai , aap ki har baat maujiza hai .



-Bahut sey log kehtey hai Islam is scientific , sciencey sey saabit karo Islam ku waghaira waghaira . Arey koi haisiyat hai science ki . Science kisey kehtey hai ? - Science jo hai - insaan ka jo chota sa bheja hai , ussey nikley huwe malumaat ko science kehtey hai . Newton's law of motion per Newton ko noble prize mila , phir uskey baad uska potra aaya , usney saabit kiya key merey daadajaan ney jo saabit kiya woh ghalat hai , toh isko bhi Noble prize mila. Aisi hai science. Aaj kuch toh phir kal kuch. Islam jo hai Allah (SWT) key wasi i'lm sey nikla huwa deen jo hai - woh hai Islam.

Ml.Imran Khan saab nadwi (ra) bhot badey aalim guzrey , ijtema mein tashreef laye they , khaas majma ku mukhaatib farmarahey they . Darmiyaan mein farmaya - log kehtey hai Islam key dushmano key liye aap badwa kijiye , aur hazrath ney farmaya - main darta hu key hum sab Islam key dushman hai, main darrta huuu key hum sab Islam key dushman hai . Hamarey harkato aur maal sey , hamari zabaan sey deen mitraha hai , hum Islam ku nuqsaan pahuncharahey hai.